Helga
i Trondheim var så fin og veldig det-byrjar-å-verta-vinter-aktig. Det var fyrste gong Kjartan og eg besøkte Mai og Knut Bjarte i Trondheim! Flyet til Kjartan var forsinka så eg måtte venta litt på flyplassen i Trondheim, men det gjekk jo fint for der har dei Starbucks. Framme hjå Mai hadde dei laga pizza til oss, og det gjorde godt for både kropp og sjel. Me opna julegåver etterpå, og eg fekk ein Bodum termokopp og ein Bialetti mjølkeskummer. Det passa fabelaktig for meg, for me fekk jo ein Bialetti espressokanne til bryllaupet. No kan eg laga cappuccinoar til meg sjølv! Er såååå fornøgd :)
Laurdag
vandra me rundt i timevis både her og der. Me såg Nidarosdomen slik
som eg gjorde sist gong, besøkte NTNU, og stakk innom biblioteket for
å levera ei bok om schizofreni.
Ute var det frost og det var iskaldt men lite snø. Ein skulle trudd det var kaldare i Oslo enn i Trondheim men Trondheim tar iskaka. Folk gjekk kledd slik som mannen ovanfor. Eg fraus så mykje eg kunne ikkje ta klåre bilete. Så kaldt var det.
Me kjøpte ingenting, men vindaugshoppa ein del og snakka om viktige ting som reising og kjærleik.
Eg likte godt å ta bilete av denne hunden. Han (eller ho) var roleg og lydig som berre det. Ein skikkeleg bamsehund.
Kjartan og Mai hadde eit par ''kva er best mellom NTNU og UiO''-diskusjonar medan me vandra. Sidan eg ikkje har gått på eit einaste norsk universitet, bidrog eg istaden med tilfeldige replikkar om universiteta i Stavanger og Bergen. Det gav meg ei kjensla av nøytralitet, og samstundes følte eg meg som ein skikkeleg vestlandspatriot.
Trondheim er faktisk den tredje eldste byen i Noreg, altså eldre enn både Bergen og Oslo, og var landets hovudstad mellom 1030 og 1217.
Hjarta mitt varmar alltid når eg får sjansen til å fotografera søte dyr. Jenta her var verdas snillaste modell.
Sykkelheis!
Det er noko heilt magisk med fargerike trehus, smågater og julelys i kafevindauge. Kafé
og trebygdlivet passar meg svært godt.
Kristiansen Festning vart bygd til å verna Trondheim mot svenskane.
Me møttest opp med Trond og Katinka på Dromedaren Kafé. Dei to har eg faktisk ikkje sett på over to år, sidan vidaregåande, men det var ikkje rart i det heile tatt, og gjekk smurt som berre det. I alle fall synest eg det. Var veldig nøgd med å sjå dei to igjen, dei er så søte saman <3
Alt i Trondheim var så gyllent sidan sola alltid enten var på veg opp eller ned.
Dromedaren er ein av mine favorittkafear i Bergen, så det var kjekt å høyra at du finn han i Trondheim også. Katinka og Mai hadde kakao-kaffi med salt, eg hadde ein supersøt kaffi med sjokoladekrem, medan Trond og Kjartan hadde kanel-kaffi (tips tips, veldig god). Det var så gøy.
Sola
gjekk ned i to/tre tida, så me drog til mønsj (lunsj-middag) på
Egon. Den ligg i eit høgt tårn som sviv rundt 360 gradar kvar time. På den måten fekk me sjå heile Trondheim
medan sola gjekk og la seg, og det var veldig koseleg.
Me sat der lenge og diskuterte politikk, økonomi og vitskap. Det var i grunnen alt me gjorde gjennom vidaregåande også, og det viser seg at nett slik som då har me vanskar for å verta einige med kvarandre.
Det var tøft å dra frå restauranten fordi det var beinkaldt ute.
Biletet nedanfor tok eg sist gong eg var i Trondheim.
Etter middag reiste me heim, åt sjokolade og chips og spelte Trivial Pursuit. Eg
tapte då eg var på lag med Mai og Katinka, men vann ein runde saman
med Trond. Sundag
stod me opp seint og åt frukost. Knut laga ein fine eggerøre til oss :) Etterpå tok me
flybussen tilbake til Værnes og kom heimatt tidleg.