Wiggle my Toe: Saint-Malo & Cancale

Eg er no djupt inne i storpakking. I kveld skal eg på ein avskjedsmiddag med fem venninner, i morgon skal eg totalvaska rommet mitt, og om to dagar veiftar eg hade til Rennes og hei til Paris igjen. Der skal eg vera i tre-fire dagar før eg reiser til fedrelandet, og for å vera heilt ærleg gjev den tanken meg mykje glede. Tanteungen min er nybakt, og eg har ikkje fått sett ho ennå, så eg er gira på å koma meg heim. Og så får eg eit kjøkken igjen! Det vert jo gildt :)

Men eg har sjølvsagt hatt det kjempekjekt i dei siste vekene her i Frankrike. I helga hadde eg besøk av Mai, bestevenninna mi, og saman med Frances, ho andre norske i Rennes, reiste me til Saint-Malo og Cancale, to kystbyar i nord-Bretagne. Det var eit finfint avbrekk frå skule og stress i Rennes. Saint-Malo hadde eg vore i fire-fem gongar før, så eg viste Mai og Frances rundt som ein liten reiseoperatør. Cancale, den franske østershovudstaden, derimot, var heilt ny for meg òg, så det var kjekt å få sett noko heilt nytt i den siste helga mi her. Det vert få ord om desse to byane anna enn at eg anbefaler begge, spesielt Saint-Malo, og legg til eit par gode matadresser frå turane mine i Saint-Malo og Cancale

Eg kjem snart tilbake. Eg hadde tenkt å skriva litt meir om Saint-Malo og Cancale, men så fekk eg så mykje å gjera på så kort tid. Eg har tre eksamenar denne veka, eg må flytta, ha kaffi og tapas med professoren min og vera med venar. Og så har professorane mine arrangert ein liten avskjedspiknik for meg på fredag, for eg er visst ein av to favorittelevar. Sweet, ikkje sant? Neste gong skal eg skriva litt meir, og det vert fleire adresser. Det vert litt om Rennes. Litt om Paris. Litt om bretonsk mat. Osb. Men fyrst må eg koma meg heim.

CANCALE

This was the first time I went to Cancale, the French oyster capital. It's quite different from Saint-Malo and yet very interesting in its own right.

SAINT-MALO

LA MAISON DU BEURRE
The butter made at la Maison du Beurre is widely recognized as the best butter producer in all of France - and it is absolutely delicious. They produce butter with unusual tastes like seaweed and smoked salt, but the classic ones are the best - creamy butter with flaky sea salt chunks. Yum!